فلم مالک پر اچانک پابندی انصاف کے منافی ہے:سندھ ہائیکورٹ
کراچی (میڈیا نیوز)سندھ ہائیکورٹ کے چیف جسٹس سجاد علی شاہ کی سربراہی میں ڈویژن بنچ نے فلم ’مالک‘ پرپابندی کیخلاف درخواست پر وفاقی حکومت کوجواب داخل کرنے کیلئے دو ہفتوں کی مہلت دیدی۔
ایڈیشنل اٹارنی جنرل سلیمان طالب الدین نے موقف اختیار کیا کہ انہیں متعلقہ حکام سے ہدایات لینا ہیں۔عدالت نے پابندی کے خلاف حکم امتناع کی درخواست موخر کرتے ہوئے کہا کہ عدالت نے یہ فلم نہیں دیکھی اسلئے دوسرے فریق کا موقف سنے بغیر کوئی حکم جاری نہیں کیا جا سکتا۔عدالت نے آبزرویشن دی کہ شوکاز کے بغیر اچانک کاروائی کرنا انصاف کے فطری اصول کیخلاف ہے۔
درخواست گزار کی جانب سے موقف اختیار کیا گیا کہ فلم ’مالک‘کا سکرپٹ2002میں لکھا گیا اور شوٹنگ دسمبر2014میں شروع کی گئ۔ فلم نظریہ پاکستان اور اسلام سے متصادم نہیں۔
یاد رہے پابندی سے قبل فلم 3ہفتوں تک سینما گھروں میں دکھائی جاتی رہی اور فلم بینوں میں خاصی مقبولیت بھی حاصل کرتی رہی.فلم کی شوٹنگ کیلئے پاکستان کی سپیشل فورسز کی جانب سے ٹینک اور آرٹلری ہتھیاروں جیسا بھاری اصلحہ بھی فلم ’مالک‘ کے پرڈیوسر کو دیا گیا.
 |
| PTI's Chairman IMRAN Khan's Tweet, after banning MAALIK movie https://twitter.com/ImranKhanPTI/status/726010571276075013 |
تحریکِ انصاف کے چیئرمین عمران خان نے سماجی رابطے کی ویب سائیٹ ٹویٹر پر اپنے پیغام میں کہا کہ فلم ’مالک‘پر پابندی غیر جمہوری اور غیرمعقول ہے۔ فلم پر پابندی لگا کر عوام کو اشرافیہ کی کرپشن دیکھنے سے نہیں روکا جا سکتا۔
فلم مالک پر اچانک پابندی انصاف کے منافی ہے:سندھ ہائیکورٹ
Reviewed by MeltyMag
on
5/07/2016 10:54:00 PM
Rating:
Reviewed by MeltyMag
on
5/07/2016 10:54:00 PM
Rating:
MeltyMag
مسیحی میڈیا ایک ایسی سروس پیش کررہا ہے جہاں آپ مسیحی خبریں اردو زبان میں حاصل کرسکتے ہیں اور باخبر رہ سکتے ہیں پاکستان اور دنیا بھر کے مسیحیوں کے حالاتِ حاضرہ سے۔ یہی نہیں آپ مسیحی فلمیں،گیت و زبور،مسیحی سکالرز اور پاسبانان کے پیغامات ،سنڈے سکول کے گیت ،بچوں کیلئے مسیحی مواد مفت حاصل کرسکتے ہیں۔ آپ سے درخواست ہے اس پراجیکٹ کیلئے دعا کریں۔
کوئی تبصرے نہیں: