حیدرآباد: ہندو لڑکیوں کے اغوا اور زبردستی مذہب تبدیل کرانے کے واقعات کے خلاف احتجاج
حیدرآباد میں دلت سجاگ تحریک نے پریس کلب کے سامنے 18 مئی بروز بدھ کو زبردستی ہندو لڑکیوں کے مذہب تبدیل کروانے کے واقعات کے خلاف احتجاج کیا۔ احتجاج کی نمائندگی رادھا بھیل نے کی۔
تفصیلات کے مطابق انہوں نے احتجاج میں بتایا کہ گزشتہ کچھ عرصہ کے دوران پوجا گوروانی،کرن میگور،لیلا جوگی،پالی اور کئی دیگر ہندو لڑکیوں کو اغوا کرکے زبردستی اسلام قبول کرنے پر مجبور کرنے کے واقعات رونما
ہوئے ہیں۔ انہوں نے بتایا کہ ہر گزرتے دن کے ساتھ ہندو لڑکیوں کے اغوا اور جبری مذہب تبدیلی کے واقعات رونما ہو رہے ہیں،لیکن صوبائی یا وفاقی گورنمنٹ کی جانب سے ان واقعات کے خلاف روک تھام کیلئے کوئی عملی کاروائی نہیں کی جاتی۔
ان کا کہنا تھا کہ دلت برادری سندھ میں پہلے ہی سب سے زیادہ مظلوم تھی اور ہم تمام جدید سہولیات کے بغیرپہلی تہذیب کے مطابق زندگی بسر کر رہے ہیں۔اب ہماری لڑکیوں کے اغوا اور جبری مذہب تبدیلی کے واقعات ہمیں مجبور کررہے ہیں کہ ہم پاکستان چھوڑ کر کسی محفوظ ملک چلے جائیں۔
انہوں نے حکام سے مطالبہ کیا کہ ایسے واقعات کی روک تھام کیلئے اقدام کریں اور تحفظ فراہم کریں کیونکہ ہم بھی اس ملک کے شہری ہیں۔
حیدرآباد: ہندو لڑکیوں کے اغوا اور زبردستی مذہب تبدیل کرانے کے واقعات کے خلاف احتجاج
Reviewed by MeltyMag
on
5/20/2016 03:07:00 PM
Rating:
Reviewed by MeltyMag
on
5/20/2016 03:07:00 PM
Rating:
MeltyMag
مسیحی میڈیا ایک ایسی سروس پیش کررہا ہے جہاں آپ مسیحی خبریں اردو زبان میں حاصل کرسکتے ہیں اور باخبر رہ سکتے ہیں پاکستان اور دنیا بھر کے مسیحیوں کے حالاتِ حاضرہ سے۔ یہی نہیں آپ مسیحی فلمیں،گیت و زبور،مسیحی سکالرز اور پاسبانان کے پیغامات ،سنڈے سکول کے گیت ،بچوں کیلئے مسیحی مواد مفت حاصل کرسکتے ہیں۔ آپ سے درخواست ہے اس پراجیکٹ کیلئے دعا کریں۔
کوئی تبصرے نہیں: