گجرات: مسیحی لڑکی مذہبی توہین کے الزام سے بال بال بچ گئی
پنجاب کے ضلع گجرات میں سونیا نامی مسیحی لڑکی مذہبی توہین کے الزام سے بال بال بچ گئی، سونیا پر ایک مسلمان خاتون کی جانب سے توہینِ مذہب کا الزام عائد کیا گیا تھا۔ تاہم مسیحی لڑکی کو توہین کے الزام میں مبتلا کرنے کی کوشش کو مقامی پولیس افسر نے احسن طریقے سے سنبھالا۔
تفصیلات (آن لائن) کے مطابق 16 مئی بروز سوموار کو کمہار برادری سے تعلق رکھنے والی ایک مسلمان خاتون نے سونیا نامی مسیحی لڑکی پر مذہبی توہین کے الزام لگا کر بات کو پھیلانا شروع کردیا۔ الزام تراشنے والی خاتون نے کہا کہ سونیا جس پینافلیکس کو نیچے زمین پر بچھا کر بیٹھی تھی اس پر حاجی محمد لکھا ہوا تھا،خاتون اس فلیکس کو نیچے بچھا کر اس پر بیٹھنے کی وجہ سے سونیا پر توہینِ مذہب کے الزامات لگانے لگی۔ سونیا کپڑے سلائی کرنے کا کام کرتی ہے اور الزام لگانے والی خاتون اس کی کلائنٹ ہے۔
الزام لگانے والی اس خاتون نے جلد ہی اس افواہ کو پھلا دیا اور مسلمانوں کا ایک بڑا گروہ مقامی مسلمان علماء سمیت سونیا کے گھر کی جانب مارچ کرنے لگا،صورتحال تب کشیدہ ہوگئی جب اس گروہ کی جانب سے انتقامی کاروائی اور غصہ کے آثار ظاہر ہونے لگے۔
مقامی پولیس افسر ایس۔ایچ۔او غلام عباس اس جگہ پر پہنچے اور تنازعہ کو حل کرنے کیلئے اس معاملے میں مداخلت کی۔انہوں نے دونوں فریقین کو پولیس تھانے میں بلایا اور ان پر زور دیا کہ وہ پرامن رہیں ،انہوں نے واقعے کی تحقیقات کیں اور تحقیقات کی بنا پر سونیا کو بے قصور پایا کیونکہ تمام الزامات بے بنیاد تھے۔
گجرات: مسیحی لڑکی مذہبی توہین کے الزام سے بال بال بچ گئی
Reviewed by MeltyMag
on
5/19/2016 10:11:00 PM
Rating:
Reviewed by MeltyMag
on
5/19/2016 10:11:00 PM
Rating:
MeltyMag
مسیحی میڈیا ایک ایسی سروس پیش کررہا ہے جہاں آپ مسیحی خبریں اردو زبان میں حاصل کرسکتے ہیں اور باخبر رہ سکتے ہیں پاکستان اور دنیا بھر کے مسیحیوں کے حالاتِ حاضرہ سے۔ یہی نہیں آپ مسیحی فلمیں،گیت و زبور،مسیحی سکالرز اور پاسبانان کے پیغامات ،سنڈے سکول کے گیت ،بچوں کیلئے مسیحی مواد مفت حاصل کرسکتے ہیں۔ آپ سے درخواست ہے اس پراجیکٹ کیلئے دعا کریں۔
کوئی تبصرے نہیں: