لاہور میں عظیم الشان کرسمس امن ریلی کا انعقاد،مسیحیوں کی بڑی تعداد شریک

لاہور میں چیئرمین پریز ٹی وی جناب پاسٹر شہزاد صدیق کے زیرِ قیادت عظیم الشان کرسمس امن ریلی کا انعقاد کیا گیا،ریلی میں بڑی تعداد میں لاہور بھر سے مسیحی خواتین، بچوں،نوجوانوں، مردوں اور بزرگوں نے شرکت کی۔ شرکاء نے ہاتھوں میں قومی پرچم،ستارے اور بینرز اٹھا رکھے تھے۔

ریلی میں سینیئر نائب صدر مینارٹی ونگ پاکستان مسلم لیگ (ن) لاہور جناب سلیم رحمت سندھو سمیت دیگر اہم شخصیات نے خصوصی شرکت فرمائی، اس موقع پر کرسمس کیک بھی کاٹا گیا اور ملکِ پاکستان کی سلامتی،بقا اور امن کیلئے خصوصی دعائیں کی گئیں۔ ریلی کا آغاز مریم کالونی سے شروع ہوئی اور مختلف شاہراؤں سے گزرتی ہوئی ڈیفنس والٹن روڈ پر احتتام پذیر ہوئی۔